"RUM OIGERA WHISKY OIGERA THAKTABADI MAYADRE"

Mayang kangba asonba nupa asi thang fengli. Thang fengnaba nung aduda eshing heira heiraduna maion silla silladuna ngahaktasu pothadana fengdunata leiri mahakki thang asi. Thang macha natte. Sha kakpada sijinnaba adugumba achouba thangni. Mahak humangna pumlup luple masa pumba adubu ngahaktasu pothage haibadu mahak khande.

Tumba yade chaba yade thakpa yade. Onthokpani nupa asi yamna chokthare. Ayuk nungthil numidang sunglep lepte mahakki thangdu fengdunata leiri. Mahakna mee ama hatti hattana thangna machet machet lenningngi. Karigumbada pambomda feiruda thangna chabat chabat yanthaningngi. Wakhal adudagi anouba wakhal amata mangonda changsinba haijilluba ngamdre.

Pothafam khangde mahak. Numit tha thawanmichak ching oo wa nupi nupa uru uru khudinggi mahakki saoningba langtaknaba asi asum asum hengatlak e. kamdoudouri mahak houjik. Numit ama ngairi. Numit adudani mahakna numit kayani changduna fenggatlakliba thang asina mathou tougadouribasi.

Nupa asina luhongduna lourubi mahakki nupi adu nongma yumdagi thokkhibadagi hallakkhide. Numit takhraba matung ahing nongyai faoba hallakkhide. Mahakna khankhiba haibabu nong ngallagadi hallakpa yai masini. Nong ngallabasu hallakkhidre. Yumgi ahal laman changduna koithi thire. Thiba fangle adubu yumdadi hallaktre, hallaknaba kourubadasu yaraktre. 

Asonba mayang kangba nupa asigi nupina langba esousi angakpa upadrop amani. Esing asaba soubagumna brong brong hek soubani. Audio tap ta eshei chaksin shaksinna thabagumbani. Marol loufam khangba natte. Awangba khonjenda ngangbaduna ngangbaduna madudagi sungnem nemtharakpa natte. Khonjel adu matam chuppada wangdunata lei. Sega maiga ngangnafam khangde. Soudunata leiraba nupidugi khonjenduda mahakki emungse mahi olle, meigi chingna pokhairakpada chenthorakpa meigi echel aduni emunggi kachin amadagi kaching amafao sinba thungna chellibase.

Lairik paba, lairik tungsinba, lairik yamna leiganba; mayang kangba nupa asina uramba, sagatlamba, yeklamba nupigi amengba athotpa anouba matou adubu mahakki nupida fangliba asi oiridara. Mahak lairik thajadre. Houjik mahakna thajaribasi mahakki nupibuni maramdi madu mahakki kalpana natte, mahakka hakthengnariba meetmangda sang sang uriba ahingba matouni. Lairikta eramba bhabki oiba nupigi  mayagi fajabasingdo mahakna amata uba fangde.

Nupa asina yamna soiroidouba manba wakhal amadi khalli madudi mahakki nupi asi nongmadi soidana yumda hallakkhini haibasini. 

Mahakki nupida hingna lennaba amadi yanthanaba thangni ngahaktasu pothadana fenglibasi. Maithong adu saoningbana machu olle. Maithonggi humanggi machu adu angnagba ngakta ngaikhre.

Mahakna charudrabasu, thakludrabasu, tumludrabasu matamnadi numit amuk ta nong amuk ngan; numit kayani houkhre. Lakkhini hallakkhini khalliba nupi adubu ngaibadadi mahak chokthaba awaba koubata mareitre.

Tha kaya houkhre. Marakta yaoshang, sajibu cheiraoba, budha purnima, kang chingba, kanglen, hari uthan; mathang mathang loikhre houkhre. Ekang kangladuna leikrak chatlamba pukhri, khnonban, pat, turel ngamnamak eshingna pik thankhre. Chinggi lammeigi tanggoina tampakki yumgi shumang maton youna paitharaklamba singdusu pairakkhidre. Maru ekok koklamba upalsing anouba yenning chongduna, una wana ngamnamak lisanlaktuna pumsang sangkhre. Charukhoktana chap yungkhuttuna leiramba khunggangi mapan naidana pak chaoraba loubuksing adusu asangba founasingtana kupsinkhre.

Olangtha loisinkhiduna ningthamtha khara khara changlakpa matam asiwaisida nupi adu ekhang khanghoudana hallakle. Numidangwairamgi numitna chingyada leithakhiba kuidringeigi matam aduni. Mayang kangba asonba nupa adu mikup aduda haraobagi pankhei leikhidare. Ritu kayagi matungda mahakki loinabibu uba fangbagi mahakna haraoba natte. Nupa adugi pukninggi haraoba adu chinbalda momon oina nokalakkadouba haraoba adudi natte. Mahakki nupibu sangtrik yengduna leiri. Tha kaya changna fengduna laklaba thang adu mathou touragani touhallagani khanduna mathamoidu nung ollakli. Leigumna meenungsitana yomlamba mahakki thamoini adubu mikuptudadi nattre.

Enggit amatasu fangde mahakki nupigi mafamdagi. Ekhoulangbagi matou amatasu ullakte. Karigumba mahakna wa amatang hek kangthokpa hourabada waheigi saphu kallaba echel amana thomjollakkadouri. Thinggattuna thamlamba achouba turelgi dam hangdorakpagum.

Ngahakti wakhal tou-e. Pukningbu wakhalna netsinjaduna khamjinnaba hotnajei. Matei manao oibagi yamna thuppa mari ama meet uisinduna sagatke khalli. Nupigi asengba amengba adu unanaba langtaknana mayengjei. Karisu oithoktre. Ubasu fangdre. Tha kaya numit kaya ritu kayagi mamangdagi chaktuna laklaba mahakki loinabimakna nung olhallamlaba thamoi adu mapan thoklage haiduna ngrang ngrang nganglakle pukning wakhal thamoi makhoi khudingmakna. 

Thang fengnaba nungdagi thang adu loukhatle. Mahakki nupigi manak changsinduna wangna thanggattuna mapambomda mafaiganda yanthaba houwi. Mameet adu chetna uisilli. Taibangda amukta thoktriba mahakki punsida amuktasu asigumna thokkani khankhidriba thamoigi hingsa adu mahakna yengba pamde.

Meet anidu khangpang pangthoktuna yenglubabu mahakki nupina   karemnaduna mangonda onsinduna penna penna noklak e. hanjin hanjinna yalliba thang aduna esingda yanbagum nupigi sakfam adu kari amata kairamde. Houjikti mahak budhi choire. Ayakpa khonjenda mahakki nupina eshou langba hengatlak e. akampetna mee khudingbu cheirak e. mayang kangba asonba  nupaduda onsinduna lao khongduna wahang mathang mathang hangjillakpadi leplamde. Malemna segaininglaba khonjen maraktuda taibangpanbana khangmam mamsillakkhi. Mikup adudagi mahak mathanta mangkhre. kamdouna karamna khangmam mamsillakkhiba taibang aduna, aduga mahakna lei-e amagi mapanda takhrabagum mang onkhribano mahak karisu khanghoudre.

Pakhang macha amana hindida “Eyamba numidanggi chak order tougadra? Yerum, nga nattraga chicken karamba pammi?” hanglakpaduda gyan khangta tarak e nupa adu.

mahakna engao ngaona hangdoklubani “Eina leirisibu kadaidano?” nakandasu masak amata khangdaba  mee kharasu famlammi. Mayamdu amuktada wa laona noksallak e mahaki maikei yengladuna.

Nupamachaduna nokfet touraga khumlak e “Eyambana ngarang rum nattradi thakloi whisky di talle haibaduda einadi piramdre, aduga houjikfaoba ngaoramlisana kadaidagi thaklubano?”  waheisingdu hairamlaga magi paokhumdi piramdana nok noktuna chatkhre.

Achenba train amagi manungdani mahakna leiramlibadu. Thongnaoda yengthoklubada mahak khangle. Train  adu Andhra manungda thouri haibasi. Tapna tapna ningsingnaba hotnei. Karigumba kharadi ningsingba ngamle mahak. Guwahati gidamak bangalore dagi mahak train tonglakkhibani. Ngarang numidang adu mess panaba nupamacha amada mahakna rum fanggadra hangkhi. Yolliba singdusu mamal hengat hengattuna lonna yollibani. Whisky khakta ngaire haibaduda mahak leikhidre. Novel amakhak pana pana adum tumthakhrabajatni mahakti. 

Adubu amuksu khalli, ningsingnaba hotnei. Thang, thang fengnaba nung, mahakki nupi, thangna yanba, nupina yum thadoktuna chatkhiba, amuk hallakpa, mamsankhiba….. thoudoksing adu mahakna mang oina mikup adufaoba khandokpa ngamdri. Karigumba kharana mahakpu yamna pothahandri. Train gi thongnaodagi asaba nungsitsingduna saphu kanna sichillakpasu leplamde.

Manakta famliba nupi nupasing adu marei kanna kanna yetnei. Adudagi khonjen kankhatnarak e. Matei manaosing malli jura jurasing adu. Nupisingduna athi athiba waheising thi thiduna magi magi nupasingduda ngangli, kharana tumin tuminna taduna nupigi sari adu haigatpiraduna makhongda noibiri, nupigi masam hatpiri, kharana kapliba angang themli. 

Aduga mahakki nakanda tubak tasinduna famliba makoi yamna khakpa nupa aniduna kumheising adu amata thousadana wari amada lupli. Aniduna ngangnaribado makhoi makhoigi nupisinggi maramdani. Amagidi nupa amada chenkhre hairi aduga atoppa amadugina leiminnaba ngamdaduna khainakhre sini. Maramdi munna tasiilludre mahaknasu. Makok adu ngaoba henjallak e. 

Mahakna ngarangdagi parakliba novel amada yumgi mou amana mapuroibagidamak kathokpa, eshwordagisu henna mapuroibabu ningjaba, manem makubusu yamna nolukna bebhar toujaba, fiji fina cheksinjabi, masagi  nupi oibigi dharmabu yamna wangna loujabi, thaksi khasi fajabi, fajaba lichat chatpi, mikon naokonba heibi, meekou fajabi, mapuroibna ngangba yabagi mafam khajiktasu leitrabi aduga mapuroibanasu yamna luna nungsina toujabi nupi amakhakki warini paraklibadu.

Adubu mangga taibangga etot totsinnaba sangsar maraktuda, mahakki meetmanggi kumheisingdugana makok adu makhol houna pokhairakkadoure; ekhou langna polai ngaina paraklamba novel adusu loisinningdre. 

Mahak phuk hougattuna lairik adu bag ta hapchinkhre. Ngasai chakki order louba laklamba nupamachaduna chatkhiba maikeidu tamna gam gam lakle. Mahakna mess ki nupamacha adu thiba chatlibase chak order  touba chatpa natte. Rum oigera whisky oigera peisa double oigera triple oigera afangba amatadi thangtaba yadre khanduna chatlibani. Nattrabadi mayang kangba asonba nupa asigi kok asi guwahati youdringeida train manungda pokhaigadouri.

.....................................................................................................................................................................

 plz drop a comment and your feedback will be appreciated heartily

“THABI KOBI AMASUNG WAHANGGI MANG”

Karinoma eshira khallise kuire. Erage haina leple. Edourise karinodi khangde adubu atenba wari amakhakni.

Numit kharanigi mamangda nupi ama eigi mangda ui. Yamna mayek sengna ui. Mang mande mang oirasu taibang malli. Mikap thoklaba matungdadi adum tumthaba yadre. Mahak udunata adum leire. Eibu kadaidagi haijillakliba wakhalnone madubu…

Eina mahakpu munna khangngi. Eikhoigi thangnaba khundagini.

Thaina mamangngeigi warini. Eina khongna school chatlingeigi matamni. Kuire ei class kaya kabano ei khangde, ningsingdre. Nupimachsing nupamachasing punna punna sannaminnei. Funabagasu yaowi. Schoolgi half thabada heikha huranba punna chatminnei nupi nupa pullap pullap. School manak nakpada lam heibi ama houwi. Maheidu heklaga khung semlaga phan mathakta ungbi yamna sanei adudei sampakpi su houwi . akangba sampakpidu mayam ama heklaga langnabi sannagadouribani. Nupimachasingduna khwaidagi saoningbasi sampakpiduna masamda napsinduna sam punsannakhibadei louthokpa yadabaduni. Madudasu nupamachasingna tanna tannaduna sampakpi maheina thomgadouribani. Mathel amani matamdo.

Eidi school yamna leppi aduna parikha haidorakpa khudinggi anisubada tai, makokti sungta tade. Ojana school chang naidabagini haiduna eingonda chei. Roll number two si eigi reserve haibaduni matamduda.

Phan mathaktaga kolomna nupmacha amagi mamingga nupimacha amagi mamingga plus tousinnaraga yamna thamnei. Madu karamba angkano khangde ei. Boi maningdagasu chap manana yamna plus tounaripotni. Machin faba fabi mayamduna onsin onsinduna laknei. Nupidana nupa maming ama aduga nupadana nupi maming ama. Maha kumheini.  madugidamak thawoina khatnaba funaba, lairikkhaona thomdotnaba yam yaowi.

Houjik eigi pali lak a. nongma eigadi class mannaba eingondagidi chahi ahum marimuk hanba emannaba ama leirammi. Mahakna haibabu se chithini nanggini hai. Kanana pirakpano hangbada aa makha leikaigi eikhoi class ki nupi amana pirakpani sini. Oh! Ei saoningbi haido loire. Keigino khangde ei yamna saokhi. Mahakka loinaduna eingonda chithi piraklibi nupi mayumduda chatle. Aduga amuk nupiduna hairakpabu eina eba natte sandhyana (ming olle) nangonda pibiyu hairakpani sini. Keigino khangde ei frang frang chongkhei hek saoningkhi.

Sandhya haibido ei khngngi. Eikhoigi thangnaba khunggangdagini. Eina class ama helli. Masak fajei mee ngouwi. Yamna langbini. Yamna nokpini. Engao ngaosinnabani. Ei nong nganba ngaibada yamna wakhi ahingdu. Karigi eina keidoubei aduk yamna leitakhidribano ei khangde.

Hannagum khongna school chatle. Chithidu amuktang di fakkhibra sungpa pakhidrabara ei kaore. I love you thabra, karino khara tenna erakkhibra meiteilonda ei amata ningsingdre. School hek youbaga assembly toudringeida sandhyadu koithi thire . thengnare. ‘Keidoubagi eingonda chithi piraklino’ hairaga mangonda amuk pisillamle. Numittudagi eikhoi ani pakna thengnakhidre. Mahak eingonda ekakhibra ei khangde. Matamdubu eikhoibu ekaibaga yamna khangnabarane? Eikhoi loinamak angnag ngaktanida.

Mathang chahidagidi ei school hongle. Boardingda leiba tare. Chahi taret boardingda leiruraga thoklakpadadi mee, mahousa, lambi thong pumnamak loina honglamle. . mayum pannaba emmanaba ,mayum pankhibi emannabi yamna yaonaramle.

Ngasidagi chahi manga mukki mamangda sandhyadu eiga auto tongminnei. Eina mabu masak munna khngngi. Manasu eibu masak khanglamli. Mai mai onsinnaduna auto tongminnabaduda maise thamfam leitre. Koudadi makourage khanduna eina hanna hanglure, “sandhya nattra nungairibra?” yamna harao harao khumlak e. “umm manni. Udaba kuireda nungiribra nangdi?” oh!karamna kari kari wari sannarakkhibano kilometer taruk taret tu amata khanghoudre. Mahakki kumthafam mapa youramladuna eingonda hairammi,”leihourageko konna amuk thengnasi bhara eina piramlabani”. Bharadu piganu haiduna fanayam kanna eina khamkhibani. Mana hek ngamduna adum piramle.

Sandhyagi masakto yamna henna fajaramle. Chahidi eikhoi lengga oiramgani. Makhajai anido epa pana yamna nouna ui. Sambru khara thungba ui chinban mayada khajaida. Onsinnaduna wari sannabada uhoubani. Masam yamna sangbagum uhouwi. Kharana punsillaga kharana thadok e. oigi khajaida haidorakpa saido hek hek makhut oinaduna tapna tapna khomgatchei. 

Kari karino mahakna hairambasingdubo.

 JN dance academy da jagoi  tamli haibra, jagoi tambiri haibra amadi hairambani. Jagoi sabada onthokna pakcharamgani. Khutsasingdo onthokna nouna ukhre auto manungduda. Wari sanaringi manungda nokfet nokfet toubaduna eibu karino khangdana warisingdo sungloi loihanningkhide. Maraktuda khalli mahakpu eikhoina school punna tamminaringei angang oiringeigi thoudokto houjikfaoba ningsinglamkhigadra. Wakhal sisu erang langngi mari amatasu leinadana. Mari amatasu samjinnafam yaodana.

Kari karino kharasu hairambanine mana. Eikhoigi thabi yamna thai nongma koithorak u thabi happige, nakhoigidi engkhol pikpanine mana masing yamna houramloi, kobisu yamna thari eikhoigi… nongmadi koirak u kobisu pukho…. 

Eikhoi yum engkholgi maramdaga yamna khanglammi… hoi adubudi khullonnabanina khanglambasu yai.. mahaksu eina wari sannaba hourubadagi  kumdrifao eikhkhoi anigi warido sungloi hek loiba naikhide…

Thoidoknabudi eina henjinna khalludrabasu  sandhyado ngasidi rasi yamna leiramle. Chahi kayagi matungda ubani. Kanamtana mabu masak thi haidouba leiroi meiteinasu mayangnasu. 

Oh ei keinoma kaore haidouba. Eina ngarang nahan mangda ui haibi nupi ado sandhyani. Mahakka yamna chunana keraduna thoibigi fijol setlaga jagoi sarammi aduga eina bhabok mayam marakta famlaga mahakki jagoido meet kuptamakhei yenglammi. Eidi moiranggi thoibido bhabna sagatlaga seithaduna ekhiba seirengbudi khara aduk ekhre haibabu amuktasu ukhibasu nattedo. Mayamna fajei sak sonnabagi eisu matung enduna ayeeba saduna seithabani. Adubu sandhyana saba jagoido aduk fajana moirang thoibinasu saramgadra? Thoibidusu sandhyagumna fajaramgadra? Ei khangde. Makhoi khulgi lai haraobada, jn dance academy da mahak jagoi saramgani adubu eidi taibangdasu amukta ukhidri. Onthokna fajakhre fajaba khuding loina heijinduna saraklabi  nuja amagumbini. Sima watli sima tai hainingai leite. Wakchinggi ayukta leina amatasu choithoktribi angangba gulapta liklana nik nik laona napchaba, ayukki menglaba nungsa mangalna fubada gulapki fajaba khuding napal yaodana fudokchabadu adudagisu mana hellabagum ukhre einadi. Tasengna mang  manunggi taibang aduda ei pumngao hek ngaokhi.

Eise fatteda. Houna khangdaba haido hek taida. Mahakna chamna marup mapang ama oibagi nongmadi koirak o makhoigi engkholdagi thabi kobi hektuna hapke haiduna yamna kanna laknanaba hairakkhibado eigi bhibhula chuba numit singgi manungda hek ngamkhidedo. 

Mahakna eibu chamna warouramgani. Mayum pallamlabadi sandhyana karisu ningsinglamlaroi. Adubu sandhyana leishaduna leiramlabadi nong fadok eibu ningsinglamgadra. Karisu khalluba toudana mahaknasu eibu karigumbada manglanda uramgadra….!

18^th may 2014

....................................................................................................................................................

 plz drop a comment and your feedback will be appreciated heartily

"HAPPY MOTHER'S DAY"

 Thousands of worse shadows on my face

Few uncured diseases are in my heart

I ran away from the morning and sunshine

Being so ugly I’m today Mama.

Let it be broken down the mirror

Don’t have a wish to look myself.

Where there you as my soothing star

Where there you as my soul giver

Life is what that I found from you

I’m so handsome always for you

I’m a little kid to you yet Mama.

I smile following to your smile

Still I sleep on your lap

And I will awake before life’s eve

To give you an endless love

To guide you with our strong hands

Forever and lifelong

We wish you Mama

We love you Mama…

..............................................................................................................................

 plz drop a comment and your feedback will be appreciated heartily

"YES RAIN NO WATER"

Fallen rain drops

Brought to us

Man’s underwears

Woman’s panties

and few bank statements

Unshowered roads got wet

Like a teenage broken eyes

Like a man’s wet wine lips

No rain is falling to earth

No water is coming along

.........................................................................................................................................................................

plz drop a comment and your feedback will be appreciated heartily

"Maril Chatpa Keisumshang"

Ebemmagi chaoraba khaoduda

Amamamta humjinduna louthorakliba

Wahangsing ado-

Chokthadabra wadabara?

Leptana piribasingdo efamda

Yarabadi amuktada loina heithabirak u.

Nalada mapei ado thadajakhige

Prik prik karakpa konggolda

Masing thingamdaba paokhumsingsu

Loinaidana yaorakkani.

Madu ahingba punsini

Madu nupi nanggi sahityani

Eigina maril chatlaba keisumshangni.

...................................................................................................................................................................................

plz drop a comment and your feedback will be appreciated heartily