“MEESHADU KANBA NGAMKHIDE”

Matu chomlaba khutsasingna

Pairaga set settuna chajage khanjaba meesashing

Kei ama chongsillaktuna lakkhi.

Hanuraba chahi yamlaba kei amana;

Meena kiraba meedagi lakkhiba meeshani.

Chaba hogatlakpada ngairingei

Saji lamcha amana amuk munkhi-

Yamna kidaba saduna.

Houjikti meeshasingdo lei loina onkhi

Manam nungsi nungsiraba leising-

Thannaba mikupta

Uchek khongba lepkhi,

Sha achouba macha khongba

Chenba chongba pumnamak lepkhi.

Atiyada thana kungna nong manglammi.

Umanggi mee khudingna lei hekli-

Manam nungsi nngsiraba khan khanduna;

Lei pareng  semduna hukli sajiduda ,

Kharana lei chairi sajiduda.

Makhyat hanghouraba kei hanubaduna

Machi marum thiduna mamei lotnaba hotnari.

Adudagi

Leimai ado thak thak niklak e,

Machete machete chekhairak e,

Khonglei thuna mamsillak e,

Sekpi makheina atiya thungna pairak e.

Sak chu changkhollaba saji lamchado

Ngahaktada nung onkhi.

Leising amamamta oina punsinkhi

Ee teiraba meeshadu amuk ollakkhi.

Haraobana mathoi karaba

Kei amadi mee anina sarak sannari.

Tha thoklakpa ngaibagi matouni

Handakmukti karigino khangde-

Makhoi ani yennaduna chaminnare.

Chathokkhare, loithokkhare upai leite

Taibanggi fongna ngaklaba ahingba mangumbani

Meeshadu kanba sukngam ngamhoudre.

Makho ani lenggonduna chatminnakhi,

Chaba yaba mee amamuk thirakpa malli;

Eina khanghou uhoubase masi faobani.

…………………………………………………………………..

November 2004

......................................................................................................

plz drop a comment and your feedback will be appreciated heartily